Tuesday, March 24, 2015

ആകാശം പറഞ്ഞത് ...


ആകാശം പറഞ്ഞത് ...

പാൽ  കടലാണെന്ന് തോന്നിടീലും -
പാലാഴിയല്ലിതെന്നോർമ്മ വേണം ...
മിന്നാ മിനുങ്ങെന്നു തോന്നീടിലും -
മിന്നും വിളക്കാണതോർമ്മ വേണം ...
വരികളായ്  കരിമുകിൽ കണ്ടുവെന്നാൽ -
കനിയുന്ന തുള്ളികളെയോർമ്മ വേണം...
വിരിയാനൊരുങ്ങുന്ന പീലി കണ്ടാൽ -
നിറമുള്ള സ്വപ്നത്തെയോർത്തീടണം ..
വേഴാമ്പൽ തൻ നാദം കേട്ടിടീലോ -
നോവും പുഴകളേയോർത്തീടണം..
നേരായ മാർഗം തെളിഞ്ഞു നിൽക്കേ-
മുൾവഴികളുണ്ടെന്നതോർത്തീടണം  ...
തണലത്തിരിക്കുന്ന നേരമെല്ലാം -
വെയിലത്തോരാളുണ്ടതോർത്തീടണം ...
നിദ്രയിലാണ്ടു കിടക്കുവെന്നാൽ -
നിശ്വാസമുണ്ടെന്നതോർത്തീടണം ..
ചേതന വേറിട്ട   ദേഹം കണ്ടാൽ -
നിന്നുടൽ  സൃഷ്ടാവിനെയോർത്തീടണം 
                                  ജാസ്മിക്കുട്ടി .

15 comments:

ajith said...

ഓര്‍മ്മകള്‍ ഉണ്ടായിരിക്കണം!

Cv Thankappan said...

കണ്ണുണ്ടായാല്‍ മാത്രംപോരാ
കാണുകയും വേണം.
നല്ലചിന്തകള്‍
ആശംസകള്‍

ചെറുത്* said...

നിദ്രയിലാണ്ടു കിടക്കുമ്പൊ ഒന്നും ഓർക്കാൻ പറ്റൂല.

കൊച്ചുങ്ങളെ പഠിപ്പിച്ച് ചൊല്ലിക്കാൻ പറ്റിയ വരികൾ! നന്നായീണ്ട്ട്ടാ.

Jazmikkutty said...

@ajth
@ CV Thankappan
@Cheruth
പ്രിയ സുഹ്രത്തുക്കളെ നിങ്ങൾ നല്കുന്ന ഈ പ്രോത്സാഹനം അവ വിലമതിക്കാനാവാത്തതാണ്
thanks a lot....

Jazmikkutty said...

@ajth
@ CV Thankappan
@Cheruth
പ്രിയ സുഹ്രത്തുക്കളെ നിങ്ങൾ നല്കുന്ന ഈ പ്രോത്സാഹനം അവ വിലമതിക്കാനാവാത്തതാണ്
thanks a lot....

Muralee Mukundan , ബിലാത്തിപട്ടണം said...

കുഞ്ഞൂങ്ങളെ ചൊല്ലി പഠിപ്പിക്കുവാൻ
പറ്റിയ ഒരു അസ്സൽ ഗുണഗണങ്ങളുള്ള പദ്യം..!

കുഞ്ഞൂസ് (Kunjuss) said...

നല്ല ചിന്തകൾ ജാസ്മിക്കുട്ടീ....
മുരളീഭായ് പറഞ്ഞ പോലെ കുഞ്ഞുങ്ങളെ ചൊല്ലിപ്പഠിപ്പിക്കാൻ പറ്റിയ പദ്യം....!

ഐക്കരപ്പടിയന്‍ said...

കനപ്പെട്ട ചിന്തകൾ, കവിയത്രിക്ക് ആശംസകൾ...!

Vineeth M said...

ചില കാഴ്ചകള്‍ പറയാനുള്ളതും പറഞ്ഞു കൊടുക്കാനുള്ളതും ആണ്......

Salim kulukkallur said...

ഒരു കയറ്റത്തിന് ഒരു ഇറക്കം എന്നും ഓര്‍ക്കണം ...!

ആറങ്ങോട്ടുകര മുഹമ്മദ്‌ said...

നല്ല മൊഴികള്‍ , ഹൃദ്യം

സുധി അറയ്ക്കൽ said...

വിരിയാനൊരുങ്ങുന്ന പീലി കണ്ടാൽ -
നിറമുള്ള സ്വപ്നത്തെയോർത്തീടണം.///////

ഈ വരികൾ ഒഴിച്ച്‌ നിർത്തിയാൽ നല്ല കവിത.

ജയിംസ് സണ്ണി പാറ്റൂർ said...

ഇഷ്ടം

Noorudheen said...

സൃഷ്ടാവിനെ എപ്പോഴും ഓർക്കണം എന്നുള്ള ഈ സന്ദേശം എല്ലാ വരികളിലും ഉണര്ത്തുന്നു ...വരികൾ ഇഷ്ടമായി...ആശംസകൾ ..!

പ്രകാശ് ചിറക്കൽ said...

..ബ്ലോഗില്‍ കണ്ട നല്ല കവിതകളില്‍ ഒന്ന് അഭിനന്ദനങ്ങള്‍...