I am proud of you son .....

കൈയക്ഷരം വൃത്തിയില്ലെന്നു പറഞ്ഞു ശകാരിക്കാത്ത ദിനങ്ങളില്ല ..
കുന്നോളം കുഞ്ഞുപകാരങ്ങൾ ചെയ്യുമ്പോഴും "നീയൊന്നിരുന്നു പഠിച്ചാൽ മതി " എന്ന് കുറ്റപ്പെടു  ത്തീട്ടേ  ഉള്ളു...
സ്നേഹത്തോടെ കെട്ടിപിടിച്ചു നീയെന്റെ സീമന്ത പുത്രനെന്നു പുന്നാരിച്ചിട്ടില്ല ...
സഹോദരങ്ങളുടെ കള്ള കരച്ചിലിൽ അടി കൊള്ളാത്ത ദിവസങ്ങളും വിരളം.
എന്നിട്ടും ഇന്നേ വരെ മറുത്തൊരു വാക്ക്, അനിഷ്ട്ടത്തോടെ  ഒരു നോട്ടം നിന്നിൽ  നിന്നുണ്ടായിട്ടില്ല ..
നിന്റെ നല്ല മനസ്സിനെ കണ്ടില്ലെന്നു നടിച്ച നിന്നോടുള്ള സ്നേഹം പ്രകടിപ്പിക്കാത്ത ഉമ്മയോട് ഇങ്ങനെ  മധുരമായി പ്രതികരിക്കാനേ നിനക്ക് കഴിയു...കാരണം നീ നന്മയുടെയും നിഷ്കളങ്കതയുടെയും പര്യായമാണ്... നിന്നോടുള്ള സ്നേഹം ഞാനിന്നു ലോകത്തോട്‌ തന്നെ വിളിച്ചു പറയട്ടെ.....കാരണം ഉള്ളിലടച്ചു വെക്കുന്ന സ്നേഹം അത് പൂഴ്ത്തിവെക്കുന്ന ധാന്യം പോലെ ഒരു വേള പഴകി ദ്രവിച്ചു മൂല്യം നഷ്ട്ടപ്പെട്ടെക്കാവുന്ന ഒന്നാണ്....